Dalin detaje të reja lidhur me operacionin blic “Forca e ligjit” të zhvilluar në orët e para të mëngjesit në Elbasan.
Gjatë hetimit të fisit Çapja, është zbuluar një rast korrupsioni. Për rrjedhojë, mësohet se në pranga ka rënë anëtarja e AMA-s, Suela Musta, por edhe një ish-anëtar i AMA-s, identiteti i të cilit nuk dihet ende. Dyshohet se ata kanë ndikuar në dhënien e një licence kabllore për fisin Çapja. Musta dhe ish-anëtari i AMA-s janë me profesion gazetarë.
Po ashtu, RENEA dhe FNSH në operacionin që nisi në 03:00 të mëngjesit dhe zgjati pothuajse 6 orë, ka arrestuar dy anëtarë të fisit Çapja, konkretisht Ardjan dhe Florenc Çapja.
Bëhet me dije se nga operacioni “Forca e ligjit” janë arrestuar 8 persona, punonjës të administratës në Elbasan si dhe janë shpallur në kërkim 4 të tjerë. Të arrestuarit akuzohen për shpërdorim detyre.
