Në sajë të një operacioni ndërkombëtarë anti-drogë, është bërë i mundur arrestimi i dy shqiptarëve që kanë qenë në arrati që prej vitit 2006. Ata rezultonin të shpallur në kërkim ndërkombëtarë, pasi ishin pjesë e grupit famëkeq “Keci”, shkruan g24.sky.it.
Të ndaluarit janë Astrit Keci dhe Shkëlqim Sufja, të cilët kanë qenë subjekt i një një urdhër arresti, të cilët ishin anëtarë të një grupi kriminal që merrej më trafikimin e drogës.
“Grupi Keci”, ishte efikas dhe i organizuar në trafikimin e sasive të mëdha të heroinës dhe kokainës në Itali dhe në pjesën tjetër të Evropës.
Mediat italiane thonë se ata janë arrestuar në Shqipëri për llogari të drejtësisë italiane Astrit Keçi dhe Shkëlqim Sufja, nga dy operacione në Lezhë e Durrës.
Ndaj tyre kishte urdhërarreste nga prokuroria e Triestes, pasi ishin në krye të një rrjeti ndërkombëtar të trafikut të heroinës e kokainës.
Dy shtetasit shqiptare qëndronin në një vendbanim të mbrojtur ne Shqipëri. Në vitin 2006 ata kishin marrë strehim në zonë për t’i shpëtuar kapjes pas një sërë hetimesh të kryera midis viteve 1998 dhe 2006 dhe masave të lëshuara nga autoritetet gjyqësore të Milanos dhe Riminit.
Hetimet zbuluan se të dy ishin figurat kryesore të të ashtuquajturit “grupi Keci”, i cili vepron në Shijak, në prefekturën e Durrësit, në Shqipëri. Grupi Keci konsiderohet si një nga organizatat kryesore ndërkombëtare të trafikimit të drogës.
Të dy burrat vazhdonin të siguronin efikasitetin e grupit duke promovuar dhe organizuar, nën profilin operacional dhe logjistik, trafikun e sasive të mëdha të heroinës dhe kokainës. Droga, që vinte nga Ballkani, futej në disa vende evropiane nëpërmjet Italisë, ku u përdoren kalimet në Friuli Venezia Giulia. TIRANA TODAY
