Dy shqiptarët Salvator Kola dhe Xhovan Pepaj, janë burgosur pasi u zbuluan duke u kujdesur për një fabrikë kanabisi në Northfleet, Gravesend. Ata ku kujdeseshin për rritjen e 70 bimëve kanabis.
Salvator Kola, 44 vjeç, me qëndrim në Mitchell Avenue yë Northfleet dhe Xhovan Pepaj, 21-vjeç, pa vendbanim fiks, u dënuan me një total prej katër vjet e gjysmë nga Gjykata e Maidstone.
Si fillim oficerët e policisë kishin pikasur Pepajn, për të cilin dyshonin se ishte një hajdut. Më pas efektivët e ndoqën dhe arritën në vendngjarje ku e arrestuan 21-vjeçarin në banesë, pasi po dyshonin se po vidhte. Por, era e rënë e kanabisit që vinte nga shtëpia ngjitur bënë që policia të vihej në lëvizje. Ata hynë në ambientet e shtëpisë dhe aty brenda gjetën Kolën që po kujdesej për 3 dhoma të mbushura me bimë kanabisi.
Fabrika e kanabisit zbuluar nga Policia Kent. Pepaj dhe Kola u dënuan me nga dy vjet e tre muaj secili për prodhim droge.
Jillian Stoneham, zyrtari hetues tha për rastin: “Pepaj dhe Kola ishin të përgatitur të përfitonin nga kriminaliteti duke përdorur pronën e dikujt tërtër. Kultivimi i kanabisit është një vepër penale dhe të gjithë ata që e shkelin ligjin do dalin para drejtësisë”.
Ndërsa avokati mbrojtës Robert Ellison, tha se Pepaj nuk kishte gjetur punë në Shqipëri dhe erdhi në Britani të Madhe për arsye ekonomike. Ai punoi si fillim në një lavazh dhe pastaj u përfshi në fabrikën e kanabisit.
Ndërsa Kola, gruaja dhe fëmija i të cilit jetojnë në Shqipëri, ka pohuan se ai ishte 35 vjeç dhe jo 44 vjeç. Ai bënte punë të ndryshme në Britani, por ai nuk po e merrte veten ekonomikisht ndaj u detyrua që të punonte në fabrikë.
“Ai erdhi në Britani të Madhe, për ti shpëtuar mjerimit ndaj u detyrua që të punonte në fabrikën e kanabisit”, tha avokati mbrojtës. Ata dy kanë mohuar ngritjen e fabrikës, por janë shprehur se thjesht ishin punëtorë që kujdeseshin për lëngen narkotike.
Gjykatësi Charles Macdonald QC tha se nuk i interesonte roli i tyre në fabrikë. “Secili prej jush kishte një rol të rëndësishëm,” shtoi ai.
Burimi: kentonline.co.uk
Përshtati: Tirana Today
