Dy persona janë dënuar me nën akuzën, për kontrabandim të emigrantëve të paligjshëm shqiptarë në Britani të Madhe.
Miklovan Bazegurore, 33 vjeç, nga Barking dhe shqiptari Fation Shuti, 33 vjeç, nga Dagenham, të dy u dënuan me 9 vjet burgim në Aylesbury Crown Court më 19 shtator.
Ata u shpallën fajtorë për organizimin e kontrabandimin e 11 shtetasve shqiptarë në MB, nga pjesa e pasme e një kamioni.
Përpjekja e tyre u shkatërrua në Newport Road, pranë Milton Keynes, nga oficerët e Agjencisë Kombëtare të Krimit (NCA), më 14 qershor 2016. Fshehur brenda kamionit ishin nëntë shtetas shqiptarë të rritur dhe dy të mitur.
Astrit Shehu, 33 vjeç me qëndrim në Langdon Park Road, Highgate, pasagjer në kamion, u arrestua me dyshimin se ka ndihmuar emigracionin e paligjshëm.
Bagram Hasa, 56 vjeç me qëndrim në Ashton Road, Enfield, gjithashtu u ndalua pasi po prite për të marrë disa nga shqiptarët në makinën e tij.
Zyrtarët zbuluan se Bazegurore dhe Shuti të cilët kishin qenë nën vëzhgim nga NCA për muaj të tërë, kishin organizuar kontrabandën, dhe u arrestuan më 20 qershor 2016 dhe 5 dhjetor 2017.
Dyshja kishte udhëtuar përmes Amsterdamit në Belgjikë më 13 qershor 2016, dhe përsëri në Britani të Madhe ditën tjetër. Gjatë këtij udhëtimi ata besohet të kenë marrë shqiptarët në kamion.
Komandanti i degës së NCA, Martin Huxley, tha: “Këta njerëz ndërtuan një biznes rreth trajtimit të njerëzve si mall, duke vënë jetën e të tjerëve në rrezik për përfitimin e tyre financiar”.
Shehu dhe Hasa u shpallën fajtorë për komplot për të lehtësuar imigracionin e paligjshëm në Aylesbury Crown Court më 10 gusht.
Shehu u dënua me tre vjet burg dhe Hasa me 18 muaj. Shuti dhe Bazegurore pranuan akuzat në një seancë të mbajtur më parë në mars. Të rriturit shqiptarë u arrestuan dhe më pas u dëbuan nga Mbretëria e Bashkuar./TIRANA TODAY/
