Dy shqiptarë u gjykuan në Gjykatën Penale të Carcassonne, Francë të martën, më 4 dhjetor, raporton lindependant.fr.
Ata janë Erald Gjurra, 28 vjeç dhe Naim Logja, 30-vjeç. Ky i fundit akuzohet për një sërë vjedhjesh. Ndërsa Gjurra akuzohet për posedim të mallrave të vjedhura.
30-vjeçari Logja, akuzohet për një seri vjedhjesh në kryera mes 22 nëntor dhe 8 dhjetor 2017.
Më 12 dhjetor 2017, gjatë një kërkimi në një dhomë hoteli të zënë nga Eraldi, policia i sekuestroi të riut një orë që e mbante në dorë. Ora ishte e markës “Lotus”, dhe u provua se ishte vjedhur në Saint-Denis më 24 nëntor 2017.
Menjëherë Eraldi u mor nga policia dhe u vendos në paraburgim. Shqiptari kishte “nxjerr” zbuluar shokun e tij, duke thënë se orën ia kishte dhënë Naimi. Ai më pas i kishte dhënë policisë numrin e telefonit të 30-vjeçarit.
Pas një operacioni të gjatë policia arriti që më 2 shkurt të vendosë në paraburgim edhe Naimin. Eraldi ka fajësuar për të gjitha akuzat Naimin, por ky i fundit flet se kanë qenë të dy bashkëpunëtorë.
Por pas gjykimit, Eraldi u dënua me 3 muaj, ndërsa Naimi me dy vjet burg./TIRANA TODAY/
