Një bandë shqiptarësh që merrej me shpërndarje droge është shkatërruar nga autoritetet angleze. 5 shqiptarë kanë rënë në pranga, pasi akuzohen për prodhim dhe shitje të lëndëve narkotike të llojit kanabis.
Ata kishin mbjellë më shumë se 570 bimë kanabis në shtëpi të ndryshme në zonën e Brettonit, ndërsa operacioni është kryer nga ajri me helikopter.
Në pranga kanë rënë 5 persona të moshave 19-49 vjeç, ndërsa tre prej tyre janë identifikuar me emra.
Të arrestuarit e identifikuar janë Adrian Pepaj, 22 vjeç, i cili akuzohet edhe për mbajtjen e dokumenteve të rreme, ndërsa Kledian Lezaj, 27 vjeç dhe Sokol Sakuta, 23 vjeç, janë akuzuar për veprën penale të prodhimit të lëndëve narkotike. Dy nga pesë të arrestuarit janë liruar dhe po hetohen në gjendje të lirë.
Sipas policisë angleze, vlera e drogës do të kapte vlerën 500 mijë paund, nëse do të shitej në treg.
