Një ngjarje e rëndë ka ndodhur në qytetin e Durrësit. 25-vjeçari Hajri Neziri ka plagosur me thikë dy prindërit e tij, Destan dhe Asije Neziri.
Shkak mësohet të ketë qenë një konflikt i çastit. Nga informacionet paraprake mësohet se dy prindërit janë dërguar me urgjencë në spital. Nuk dihet ende gjendja e tyre shëndetësore.
I riu ka mundur të largohet nga vendngjarja. Policia ka nisur hetimet për zbardhjen e ngjarjes dhe kapjen e autorit të krimit të dyfishtë.
Njoftimi i policisë
Më datë 20.06.2018, rreth orës 14 : 45, në lagjen Nr.17/1 shtetasi Hajri Neziri 25 vjeç ka goditur me thikë prindërit e tij, shtetasit D.N. 75 vjeç dhe A.N. 64 vjeçe, të cilët ndodhen në Reanimacion në Spitalin Rajonal Durrës nën kujdesin e mjekëve.
Grupi hetimor po punon për kapjen e autorit dhe sqarimin e rrethanave të ngjarjes.
