Pas zhvillimit të raundit të dytë të zgjedhjeve presidenciale sot në Francë, kandidati i qendrës së majtë, Emmanuel Macron sipas Exit Polle-ve ka fituar nga 62-67 për qind të votave, ndërsa kandidatja e ekstremit të djathtë ka fituar rreth 33-36 për qind të votave.
Sondazhet nxjerrin president të ri të Francës, z.Macron.
Ai ishte renditur i pari edhe në raundin e parë të zgjedhjeve presidenciale ku kishte disa kandidatë, ndërsa rezultati i tanishëm nuk pritej të kishte surpriza të mëdha për shkak të mbështetjes që ai kish nga kandidatët e tjerë që u skualifikuan në raundin e parë.
Emmanuel Macron, 39 vjeç, bëhet presidenti më i ri i historisë së Francës me një fitore bindëse përballë kandidates së Frontit Kombëtar, Marine Le Pen, 48 vjeçe.
