Emiratet e Bashkuara Arabe kanë miratuar amendamentet që do ta mundësojnë ofrimin e shtetësisë për kategori të caktuara të investitorëve dhe profesionistëve, përfshirë mjekët, shkencëtarët, artistët, njerëzit e talentuar dhe familjet e tyre.
“Kabineti i EBA-së, gjykatat lokale dhe këshillat ekzekutivë do t’i nominojnë ata që i plotësojnë kushtet për shtetësi sipas kritereve të qarta që janë vendosur për secilën kategori”, tha kryetari i Dubait dhe nënpresidenti i Emirateve të Bashkuara, Sheikh Mohammed Bin Rashid Al Maktoum.
We adopted law amendments that allow granting the UAE citizenship to investors, specialized talents & professionals including scientists, doctors, engineers, artists, authors and their families. The new directives aim to attract talents that contribute to our development journey.
— HH Sheikh Mohammed (@HHShkMohd) January 30, 2021
Të huajt në këtë shtet zakonisht kanë viza që mund t’u vazhdohet afati për vetëm disa vite, dhe procesi është i lidhur me punësimin.
Vitin e kaluar, qeveria e zgjati afatin e sistemit të artë të vizave, me të cilin u jepet leje banimi për dhjetë vjet profesionistëve dhe specialistëve të caktuar.
Megjithatë, duke qenë shtet i varur nga shitja e naftës, ekonomia e Emirateve të Bashkuara Arabe është goditur nga pandemia e koronavirusit dhe çmimi i ulët i karburanteve, duke nxitur dhjetëra mijëra të huaj të largohen nga ky vend.
