Ajo nuk gëzon vetëm statusin e supermodeles shqiptare me famë botërore, apo si nënë e lumtur e dy vajzave të mitura e bashkëshorte e një prej miliarderëve të njohur si Sam Nazarian. Ajo na ka treguar shpesh përmes veprash konkrete dhe publike, se përveç plotësimit shpirtëror, Emina Çunmulaj ka edhe një zemër të madhe.
Shpesh si pjesë e projekteve humanitare të fondacionit “Fundjavë Ndryshe”, ajo ka kontribuar e mbi të gjitha kë bërë thirrje për sensibilizim.
Pas thirrjes më të fundit publike të bërë nga ana e saj në Instagram, e kur kanë kaluar vetëm 24 orë janë mbledhur 30-mijë dollarë.
Modelja e njohur është bërë palë me nismat humanitarë të fondacionit “Fundjavë Ndryshe”, që në fokus të tyre kanë ndihmën financiare për raste emergjente sëmundjesh, varfëri, e donacione të natyrave të tjera.
E duket, se kjo është arsyeja e fortë që do e rikthejë sërish në kryeqytetin shqiptar Eminën! Dhe këtë fakt, ajo e ka bërë publik përmes një video në instagram ku shpjegon arsyet e këtij vendimi e gjithçka tjetër: “Miq të dashur, në tetor do të vizitoj Shqipërinë, për disa projekte humanitare, si Anëtare e Bordit të Fondacionit Fundjavë Ndryshe. Vitin që lamë pas unë vizitova disa familje në varfëri ekstreme në Shkodër, Shqipëri, duke i ardhur në ndihmë. Shpresoj që këtë vit të bëjmë diçka më të madhe. Linku për donacionet është në profilin tim”, ka shkruar ajo.
