Thomas Strakosha ka qenë heroi i Lazios në ndeshjen e Kupës së Italisë përballë Interit. Ishte gardiani kuqezi që dërgoi klubin në gjysmëfinale, pasi arrit të priste dy penallti të zikaltërve.
Strakosha së fundmi ka qenë në qendër të kritikave nga tifozët lacialë, por edhe nga drejtuesit e klubit të cilët e cilësonin fajtor për çdo humbje. Pikërisht këto kritika kanë sjellë edhe reagimin e vëllait të tij, Dimitri. Ai, me një postim në rrjetet sociale, ka kritikuar hapur të gjithë ata që kishin vënë në diskutim cilësitë e Thomasit.
“Ky është Thomas Strakosha! Kjo fitore është e jotja vëlla! Bëji ta qepin të gjitha ata tifozë fals që kanë ngrënë m… duke folur, pasi tifozët e vërtetë e dinë se kush je dhe cili është potenciali yt! Një punë e shkëlqyer nga skuadra jote por ata duhet të të nxjerrin për darkë pasi ta kanë borxh sonte (P.S. Më fto edhe mua, se do të vij”, ishin fjalët e vëllait të portierit të përfaqësueses shqiptare.
Me siguri, pas paraqitjes së fundit të gardianit të Lacios, nuk do të jenë të shumtë ata që do të kritikojnë përsëri lojtarin.
