Pas reshjeve të ditëve të fundit janë shtuar prurjet e lumenjve malorë si dhe ato të lumit Shkumbin, Devoll në qarkun Elbasan.
Për shkak të shkrirjes së dëborës mëngjesin e sotëm është hapur një prej shkarkuesve të digës së HEC-it për të evituar rrezikun në ditët e ardhshme.
Gjatë javës së ardhshme parashikohen shtim të prurjesh të shumta. Në rast rritje temperaturash do fillojë shkrirja e dëborës e cila ka mbuluar pjesën më të madhe të Qarkut të Elbasanit e cila sipas parashikimeve do dyfishojë prurjet e përrenjve dhe lumenjve që përbëjnë rrezik potencial për përmbytjen e zonave përgjatë brigjeve të rrjedhës së lumenjve Shkumbin dhe Devoll.
Aktualisht pas ndërprerjes së reshjeve situata është e stabilizuar dhe të gjitha akset rrugore janë të kalueshme. Një pjesë e akseve të rrugëve rurale janë hapur, por ende ka probleme serioze në shumicën e fshatrave të Librazhdit, Gramshit dhe Elbasanit. Ndërsa energjia elektrike mungon ende për katër mijë abonentë të disa fshatrave.
