Dy shtetase me iniciale B.T. dhe S.H., të dyja banuese në Elbasan, kanë përfunduar në pranga. Ato akuzohen se shfrytëzonin vajza për prostitucion, teksa mbi to rëndojnë dy akuza: “Shfrytëzim prostitucioni”, ndërsa B.T. akuzohet edhe për “Mbajtje ambientesh për prostitucion”.
Arrestimi i dy shtetaseve u bë pas finalizimit me sukses të operacionit policor “Unaza 1”, nga specialistët e Seksionit për Hetimin e Trafiqeve të Paligjshme, në Drejtorinë Vendore të Policisë, Elbasan.
Mësohet se vijon operacioni për kapjen e personave të tjerë të implikuar në këtë veprimtari kriminale, ndërsa materialet i kaluan Prokurorisë, Pranë Gjykatës së Shkallës së Parë, Elbasan, për veprime të mëtejshme.
