Nënkomisar Arjet Jança, efektiv i policisë Elbasan është pezulluar nga detyra.
Vendimi është marrë nga drejtori i Policisë së Shtetit, pas publikimit të një videoje, ku Jança ndalon dhe arreston një person, pasi ky i fundit i kishte zënë rrugën me biçikletë.
Nënkomisari dyshohet se ka arrestuar burrin, që i zuri rrugën jashtë orarit të punës, ndërsa dyshohet se ai ka ushtruar edhe dhunë ndaj tij, e gjithë kjo në prani të gruas dhe fëmijëve të të arrestuarit.
Ngjarja ka ndodhur në Urën e Zaranikës, pranë doganës së Elbasanit, ndërsa ndaj oficerit ka filluar procedimi disiplinor për veprime arbitrare.
