Pjesa e parë e “El Clasico” është mbyllur pa fitues, në rezultatin e bardhë pa gola, por spektkli dhe rastet nuk kanë munguar. Që në startin e ndeshjes formacioni i Zidane ishte më i etur për të fituar dhe qëndroi gjatë gjithë kohës duke bërë presion shumë lart në fushë. Kishte disa reagime të katalanasve me Suarez dhe Paulinho, por pa arritur të kalojnë Navasin.
Madrilenët e kërkuan më shumë golin, ku dyshja e sulmit Ronaldo-Benzema shpërdorojnë një numër të madh rastesh për shënim. Sulmuesi francez pak minuta para përfundimit të së parës ka prekur dhe shtyllën e Ter Steger. Ky i fundit ka zhvilluar një ndeshje fantastike deri tani duke krijuar një siguri të madhe në prapavijën e Barcelonës. Nga ana tjetër ishte dyshja kroate e mesfushës më në formë, pasi Kovacic dhe Modric kanë bërë deri tani një ndeshje fantastike duke avancuar dhe krijuar shumë aksione të rrezikshme.
