Barcelona dhe Reali i Madridit, luajnë mbrëmjen e sotme, “El Classicon” e parë për këtë vit 2019. Kjo është ndeshja e parë mes dy superfuqive në Spanjë, e cila luhet për turin gjysmëfinal të Kupës së Mbretit.
Pas humbjes poshtëruese 5-1, në tetorin e 2018-ës, në takimin e parë në kampionat, tashmë Reali duket se ka gjetur një fytyrë tjetër me trajnerin Solari, dhe është i etur për reagim, duke e kërkuar edhe fitoren e Kupës.
Nga ana tjetër, Barcelona e ka konfirmuar se është në luftë për të gjitha kompeticionet, dhe as Kupa nuk bën përjashtim. Në sfidën e sotme, Leo Messi do ta nisë nga stoli, me teknikun Valverde që nuk ka dashur ta rrezikojë që nga minuta e parë, duke qenë se vjen nga një dëmtim.
21:00 | Barcelona-Real Madrid
FORMACIONET
Real Madrid: Navas; Carvahal, Varane, Ramos, Marcelo; Modriç, Llorente, Kroos; Vasquez, Vinicius, Benzema. Trajner: Solari
Barcelona: Ter Stegen; Semedo, Pique, Lenglet, Jordi Alba; Rakitiç, Busquets, Arthur; Coutinho, Malcoln, Suarez. Trajner: Valverde
