Gjykata e Vlorës ka dhënë masën e sigurisë ‘arrest me burg’ për 17-vjeçarin Vangjel Kapllani. Ky i fundit vrau gjyshin e tij me armë zjarri para dy ditësh dhe më pas e grabiti.
Po ashtu, Gjykata ka dhënë masën ‘arrest me burg’ edhe për 28-vjeçarin që i shiti pistoletën të miturit si dhe ‘detyrim paraqitje’ për dy shokët e adoleshentit.
Kapllani vrau gjyshin e tij 69 vjeç me një plumb pas koke në banesën e tij, ndërsa pak minuta pas krimit, ai dha një intervistë për Neës24, teksa deklaroi se e kishte gjetur gjyshin të larë në gjak në shtëpinë e tij duke u munduar të fshehë krimin.
Pas zbardhjes së ngjarjes nga policia, nipi pranoi krimin dhe u shpreh se e vrau gjyshin se i kishte nxirë jetën.
“E vrava gjyshin se më nxiu jetën. Më stresonte, nuk e duroja dot më”, ka thënë ai para oficerëve të policisë.
