Policia ka shoqëruar 25 persona pas ekzekutimit të 32-vjeçarit, Emiljano Boçi dje në Tiranë.
Atentati ndodhi pranë banesës së viktimës, ku u plagos edhe shoku i tij, M.Disha, 27 vjeç.
Mendohet se ka më shumë se një autor që kanë kryer vrasejn, ndërsa këta të fundit nuk janë identifikuar ende.
Në momentin e krimit, viktima dhe i plagosuri ndodheshin brenda automjetit tip Range Rover, në rrugën ‘Shefqet Musaraj’, ndërsa autorët kanë qenë në këmbë.
Policia po heton në dy pista, pasi dyshohet se vrasja mund të ketë ndodhur për pazare të prishura të drogës. Nga ana tjetër, mund të kemi të bëjmë me një hakmarrje. Kështu, po hetohet edhe lidhur me një ngjarje të 2010-ës, ku Boçit i ishte bërë atentat në Selitë.
Në atë kohë, ai u plagos rëndë, por arriti të shpëtonte, ndërsa më pas ka jetuar në Gjermani dhe Holandë, prej nga ku ishte kthyer para pak kohësh.
