Të tjera detaje bëhen të ditura nga ngjarja e rëndë që ka tronditur sot qytetin e Mitrovicës, ku u ekzekutua me armë zjarri një ndër udhëheqësit kryesorë të serbëve në Kosovë, Oliver Ivanoviç, shkruan kurir.rs. 
Një kolege e partisë dhe bashkëpunëtore e Oliver Ivanoviç, Ksenija Bozoviç thotë se askush nuk dëgjoi të shtënat, ku u qëllua Ivanoviç dhe shtoi se atë e gjeti para lokaleve të partisë, një banor i cili po kthehej për në shtëpi pasi kishte blerë buke në dyqan. .
“Isha bërë gati për punë, sekretari ishte në zyrë. Një banor aty pranë që ishte fqinj me ne kishte dalë për të blerë bukë, dhe kur u kthye nga dyqani, e pa atë të shtrirë para zyrës”, tha Bozoviç.
Ai menjëherë kishte njoftuar sekretarin për të kërkuar ndihmë emergjente.
“Çdo gjë ndodhi brenda dy apo tre minutash … Nuk u dëgjua asnjë të shtënë … ishte qëlluar me 4-5 plumba në drejtim të tij, por vetëm tre e kishin kapur atë”, tha ajo.
E pyetur nëse ka pasur kërcënime ndaj Ivanovçit, Bozoviç tha se bashkëpunëtorët e tij nuk dinin gje për këtë dhe se ai ishte njeriu që mbrojti të tjerët dhe kurrë nuk ishte ankuar.
“Ne nuk dinim asgjë, por situata ishte e tensionuar që pas lirimit nga burgu, më pas zgjedhjet… Ai ishte një njeri që punonte. Jam mërzitur shumë. Nuk di çfarë të them,” tha Bozoviç. TIRANA TODAY
