Policia ka ndaluar një person, si të implikuar në vrasjen e Arben Bilalit. Burimet paraprake bëjnë me dije se kanë ndaluar shtetasin me inicialet A. Sh, me precedentë të mëparshëm penalë.
Arben Bilali u ekzekutua me breshëri kallashnikovi përpara banesës së tij. Autoret pas kësaj braktisën mjetin e tyre ne Sauk, brenda së cilës u gjet edhe arma që u përdor. Pavarësisht se e kishin spërkatur mjetin me benzinë, autorët nuk mundën t’i vinin flakën për shkak të frikës se do zbuloheshin nga policia. Ky ishte dhe gabimi i tyre, pasi në mjet lanë gjurmë.
Ish-efektivi i policisë kishte vendosur kamera në të gjithë shtëpinë e tij. Arben Bilali i druhej një atentati të mundshëm. Pas vrasjes së dy vëllezërve, Bujar Bilalit në vitin 1998 dhe Leonard Bilalit në vitin 2010, Arbeni qëndronte i ngujuar në banesën e tij shumicën e kohës, duke mos dalë shpesh.
