Ekstradimi i financierit të grupit të Habilajve, Nezar Seitajt ka krijuar debate dhe sulme verbale mes opozitës dhe mazhorancës. Gazetarja Klodiana Lala ka theksuar se ekstradimi i tij është bërë në shkelje të plotë ligjore, ndërsa thekson se me ekstradimin e tij po luhet loja e kungulleshave mes institucioneve shtetërore.
Ajo tha se institucionet janë vënë në dijeni për faktin e ekstradimit, por lajmet e medias nuk janë marrë fare parasysh.
“Nezar Seitaj s’duhet të ekstradohej. Kishte një kriter ndalues, që e detyronte ministren e Drejtësisë mos lejonte largimin. Etilda Gjonaj dhe Arta Marku e kanë larguar topin nga zona e tyre duke u justifikuar se nuk kishin informacione. Që një person të shkojë në paraburgim dhe të pranohet si i tillë duhet të ketë urdhër ndalimi”-tha Lala.
Sipas saj, kryeprokurorja Arta Marku dhe ministrja e Drejtësisë Etilda Gjonaj kanë flakur topin nga fusha e tyre , me justifikimin se nuk kishin informacion për këtë. Ajo tregon se Seitaj nuk është kaluar në sistemin TIMS, ndërsa fare mirë kjo mund të quhet edhe rrëmbim.
“Të gjitha këto veprime janë përpjekje për të fshehur të vërtetën e ekstradimit”-shtoi Lala në “Opininon” në Neës 24
“Ka një bashkëpunim të segmenteve të caktuara, po luajnë lojën e kungulleshkës me këtë histori, pasi Nezar Seiti mund të konsiderohet i rrëmbyer. Nuk e di çfarë do ndodhë në Itali. Se është dorëzuar pa kaluar në sistemin TIMS në aeroport, prandaj mund të konsiderohet rrëmbim. Institucionet po fshehin një urdhër-arresti që është publik, dihej një gjë e tillë. Ministrja e Drejtësisë duhet t’i kërkonte autoriteteve të jashtme nëse kishte procedim penal tjetër për këtë shtetas. Po fshehin të vërtetën për këtë ekstradim. Nuk e di nëse ka prapavijë politike”-shtoi Lala.
