Ekspozita me piktura “This Fall” është hapur në galerinë e artit FAB pranë Universitetit të Arteve dhe do të qëndrojë për artëdashësit deri më 3 prill. Ekspozita e piktorit Orion Shima vjen e kuruar nga Parid Teferiçi. Ekspozita “This Fall” që u hap këto ditë në galerinë FAB pranë Universitetit të Arteve, vjen në vijim të aktiviteteve të kësaj galerie.
Ndjeshmëria e thellë e Orionit për natyrën është dëshmuar tashmë prej dekadash, duke kulmuar me ekspozita të rëndësishme brenda dhe jashtë vendit.
Natyra është frymëzim i pashtershëm për piktorin Orion Shima. Forca e vjeshtës ndihet jo vetëm në ngjyrë, por edhe në formate të mëdha, ç’ka artisti thotë se i jep liri.
