Ekspozita “Rrëfime” me punimet në pikturë të autorit Eldon Luarasi, është hapur në galerinë FAB të Universitetit të Arteve.
Pas disa ekspozitave vetjake dhe kolektive në Zvicër dhe Itali, Eldon Luarasi hapi ekspozitën e tij të parë personale në Tiranë në galerinë FAB, pranë Universitetit të Arteve.
Subjekti kryesor në punët e piktorit Eldon Luarasi është njeriu. Në ekspozitë janë një numër veprash, si portrete, nudo në pikturë, etj. Ekspozita personale e piktorit të njohur vjen e kuruar nga Genc Përmeti. Ekspozita do të jetë e hapur nga data 3-10 shkurt në galerinë FAB.
Eldon Luarasi është një artist, i cili pavarësisht rrethanave jo favorizuese që ju rezervuan nga regjimi komunist si djali i artistëve Mihal dhe Edi Luarasi, nuk u tërhoq nga pasioni i tij për pikturën.
Eldoni arrin të vizatojë me mjeshtëri, por në të njëjtën kohë të jetë në gjendje të evidentojë pjesë të padukshme të individit.
