Nuk ka kaluar shumë kohë nga konfliktet dhe dhuna e ushtruar në parlamentin e Maqedonisë. Rasti i futjes se huliganëve në parlament dhuna e ushtruar ndaj deputetëve u transmetua në të gjitha mediat ndërkombëtarë dhe të gjithë i kthyen sytë nga Ballkani. Sigurisht prej kohësh ky rajon tregon shenja destabiliteti. Një prej shteteve me situatën më të ndërlikuar në rajon, për momentin është Maqedonia. Problemet etnike krijojnë gjithmonë zhurmë. Sigurisht një situatë e tillë kërkon analizë nga ekspert.
Duke iu referuar një analize të ekspertes bullgare Vessela Tcherneva, të botuar për “European Council of Foreign Affairs” shohim që situata në Maqedoni nuk është aspak e qete megjithëse duket se ka rënë në qetësi. Në analizën e Tcherneva, theksohet se politika është ajo që sjell dhunë dhe konflikte etnike për sa më shumë përfitime.
Në Maqedoni, një krizë e brendshme politike ka shkaktuar tensione ndëretnike, dhe madje edhe dhunë. Përleshjet e përsëritura nuk bëjnë më dhe aq përshtypje, por kriza më e madhe vazhdon. Udhëheqës si ish-kryeministri Nikola Gruevski, vazhdojnë të luajnë me “kartën etnike” për përfitime politike, gjë që rrezikon ndezjen e dhunës, shkruan Vessela Tcherneva.
