Një grup studiuesish shqiptarë e të huaj, pasi kanë kryer studime në zonën e Vjosës, ku është parashikuar ndërtimi i hidrocentralit të Kutës, kanë dalë në një zë kundër tij.
Ekspertët i bëjnë thirrje qeverisë të rishikojë projektin dhe të ndërmarrë një studim të detajuar të dëmeve që do ketë hidrocentrali në zonën e pasur të Poçemit, para se të nisë ndërtimi i HEC-it.
30 ekspertë shqiptarë dhe të huaj, të ardhur nga Austria, Gjermania dhe Sllovenia kanë studiuar për rreth 1 javë lumin e Vjosës, rreth efekteve negative që pritet të ketë ndërtimi i hidrocentralit të Poçemit.
Ekipi i studiuesve të mjedisit ka bërë kërkime në 5 km gjatësi dhe 2 km gjerësi, në afëri të fshatit Kutë, që është parashikuar të përmbytet nga rezervuari i digës, nëse HEC-i i Poçemit do të ndërtohet.
