Uji është ndër aleatët kryesorë për trupin e njeriut, por asnjëherë nuk duhet ta teprojmë me doza të larta. Duhet të kemi parasysh, se nëse konsumoni ujë jashtë normës, atëherë do të përballeni me dëmtime serioze.
Trupi ynë përbëhet nga 55-75 përqind ujë, prandaj edhe kemi aq shumë nevojë për të pirë ujë, në mënyrë që të kompensohet sasia e ujit që del nga organizmi. Uji na ndihmon që nga trupi të nxjerrim produktet e panevojshme të metabolizmit të yndyrnave.
Ky proces ka shumë rëndësi te personat që duan të humbin peshë. Uji jep ndjenjën e ngopjes, prandaj personave që duan të humbin në peshë, u këshillohet që të pinë një gotë ujë para çdo vakti. Uji tret produktet e dëmshme të cilat krijohen gjatë metabolizmit, duke mundësuar nxjerrjen sa më të shpejtë të tyre në ambientin e jashtëm. Nëse organizmit i mungon uji, kjo reflektohet në funksionimin e të gjitha sistemeve të tij dhe personi i tillë ndjen lodhje, dhembje të kokës, marramendje, etje dhe ngërçe në muskuj.
Por konsumimi i tepruar i ujit mund të dërgojë në komplikime të dëmshme, dhe të panevojshme. Ekspertët thonë se përdorimi i ujit është diçka që varet në tiparet individuale të organizimit. Kjo do të thotë se duhet ta dëgjoni trupin tuaj dhe nevojat e tij. Lëreni etjen t’ju drejtojë.
Përgjithësisht, konsumimi ditor i rekomanduar i ujit është:
8-11 gota uji për gratë
12-15 gota për burrat
