Në një sallatë fshati, nuk ka si të mungojë domatja dhe kastraveci. Ato janë dy nga përbërësit kryesorë, të cilët kanë vlera të pazëvendësueshme për organizmin tonë.
Por ekspertë të fushës janë të mendimit se ky kombinim është fatal për organizmin tonë, duke na sjellë shqetësime më vonë. Ata thonë se domatet treten më shpejt nga mekanizmat tretës të stomakut, ndërsa kastraveci kërkon një kohë më të gjatë.
Produktet që çlirohen gjatë tretjes së domateve, mund të fermentojnë kastravecin. E për rrjedhojë, vështirësohet më shumë tretja e tij, grumbullohen edhe mikroorganizma të tjerë.
Jo vetëm kaq, pasi pasojat janë edhe më të mëdha. Qëndrimi i ushqimit të grumbulluar në stomak, shkakton gjithashtu edhe erë të keqe të gojës.
