Një delegacion i SHBA-së ka planifikuar të vizitojë Ankaranë këtë javë për të diskutuar kërkesën e Turqisë për ekstradimin e një kleriku të vetëshpallur që thuhet se nxiti një përpjekje grushti të vitit 2016, sipas dy zyrtarëve turq.
Ekipi do të takohet me homologët turq nga Ministria turke e Drejtësisë, ajo e Jashtme dhe e Brendshme të enjten dhe të premten, thanë zyrtarët, të cilët nuk kanë qenë të autorizuar të flasin publikisht. Bisedimet do të përqendrohen në akuzat e Turqisë kundër Fetullah Gylenit, një ish-aleat i Erdoganit, i cili jeton në SHBA dhe që mohon ndonjë rol në puçin e dështuar, shkruan Protothema.
Shtetet e Bashkuara deri tani kanë anashkaluar kërkesat e përsëritura turke për dorëzimin e klerikut, teksa presidenti Donald Trump tha në nëntor se ekstradimi nuk ishte “në konsideratë”.
Marrëdhëniet ndërmjet SHBA dhe aleatëve të saj në NATO janë tensionuar për një sërë çështjesh, përfshirë fatin e Gulenit dhe mbështetjes amerikane për një milici kurde në Sirinë veriore, që Turqia e konsideron një armik. Por urdhri i Trump për të tërhequr trupat e SHBA është mirëpritur nga Erdogan, ushtria e të cilit ka qenë duke u grumbulluar përgjatë kufirit sirian përpara një ofensivi të parashikuar.
Një delegacion ushtarak i SHBA-së vizitoi Ankaranë gjatë fundjavës për të diskutuar çështjet rajonale të sigurisë, thanë zyrtarët turq. Këshilltari i Sigurimit Kombëtar i SHBA-ve, John Bolton pritet në Turqi më 8 janar, sipas qeverisë turke./Përshtati Tirana Today
