I lindur dhe i rritur në Tiranë, mbrojtës në pozicion njësoj si babai i tij dikur, Jon Mersinaj është padyshim një nga talentët shqiptarë që si shumë të tjerë është pjesë e futbollit kroat.
Kampionati kroat i futbollit ka nisur të jetë shtëpia e lojtarëve nga Shqipëria kohët e fundit, një trend ky shumë interesant që ia vlen të analizohet më vete dhe që urojmë të vazhdojë sa më gjatë sepse ashtu siç e mendon dhe Mersinaj kampionati kroat është një trampolinë shumë e mirë për lojtarët e rinj.
Së fundmi nevoja për të kryer një operacion (të dytë) ka sjellë një ndalesë për qendërmbrojtësin e Lokomotivës së Zagrebit dhe Tirana Today i kërkoi një intervistë të shkurtër.
-Si shkoi operacioni dhe kur mendohet rikthimi në stërvitje?
Operacioni ka dalë me sukses, dhe koha e rekuperimit parashikohet të jetë 4 deri në 6 muaj.
-Kontrata me ekipin aktual, Lokomotivën e Zagrebit skadon në verën e 2024-ës, a planifikon të qëndrosh gjatë në kampionatin kroat?
Për momentin jam i fokusuar tek rikuperimi dhe rikthimi sa me i shpejtë në fushat e lojës, më pas të shohim, dihet që kampionati kroat është një trampolinë shumë e mirë për lojtarët e rinj.
-Tek Lokomotiva luajnë dhe disa shqiptarë të tjerë, me cilin prej tyre shkon më mirë?
Tanimë me të gjithë shokët jemi bërë pothuaj si një familje, nuk mundem te bej dallime.
-Kombëtarja A është çështje kohe por për momentin, cilin nga mbrojtësit aktualë të Shqipërisë vlerësoni më tepër?
Nje ndër repartet më solide të kombëtares sonë esht mbrojtja ku të gjithe lojtarët po bëjnë shumë mirë me ekipet e tyre dhe janë për tu marrë shembull.
