Një gjykatë egjiptiane dje lejoi një ekzaminim të plotë mjekësor të ish presidentit Mohamed Morsi me shpenzimet e tij. Rezultatet e kontrollit mjekësor do të paraqiten në gjykatë në seancën e ardhshme të Morsit më 3 dhjetor, transmeton Middle East Monitor.
Gjatë një seance të gjyqit të tij në Kajro, Morsi i kërkoi gjykatës që të lejonte që ai të kishte një ekzaminim të plotë mjekësor në një spital privat me shpenzimet e veta,në të cilin do të ishte në dispozicion pajisje adekuate dhe të duhura për teste të specializuara.
“Nëse kjo nuk është e mundur, kërkoj që ekzaminimi të kryhet në një spital qeveritar me mjetet e nevojshme për këto ekzaminime mjekësore,” tha Morsi, duke vënë në dukje përkeqësimin e shëndetit të tij, veçanërisht pasi ai u diagnostikua me diabet.
Morsi po gjykohet për disa akuza duke përfshirë spiunazhin dhe fyerjen e gjyqësorit.
Përshtati për Tirana Today, Laert Miraku
