Shteti i Egjiptit ka ekzekutuar me varje 15 militantë islamikë , të cilët u shpallën fajtorë për një sulm vdekjeprurës ndaj një poste ushtarake në gadishullin e Sinait rreth 5 vite më parë.
Ekzekutimet e kryera në mënyrë të njëkohshme në dy burgje të qytetit të Kajros, janë konsideruar si ekzekutimet më të mëdha, pas vrasjes së gjashtë xhihadistëve në vitin 2015.
Presidenti egjiptian Abdel Fattah al-Sisi ka urdhëruar ushtrinë të rrisë përpjekjet për të shtypur militantët e Shtetit Islamik pas masakrës në një xhami të Sinait muajin e kaluar, ku gjetën vdekjen më shumë se 300 vetë.
Për vite me radhë , forcat islamike në Sinai kanë vrarë qindra policë, ushtarë dhe civilë në rajon.Ngjarje të cilat ka lënë shije të hidhur duke instaluar sistemin e frikës dhe të dhunës në rajonet e lartpërmendura.
