Gjykata e Tiranës ka lënë sërish në burg Daniel Drobajn dhe Dorjan Protoduari, të cilët u arrestuan pas protestës që u zhvillua tek Kuvendi.
19-vjeçari Daniel Drobaj që akuzohet se plagosi me kapsolle policen Ina Nuka, do të qëndrojë nën arrest, po ashtu edhe Protoduari. Ky i fundit akuzohet se ka organizuar protestën e dhunshme. Këta dy shtetas apeluan sot masën e gjykatës.
Nga përleshja para godinës së Kuvendit, mbetën të lënduar efektivë të policisë, mes tyre edhe Ina Nuka, e cila humbi dy gishtat e dorës së djathtë, pas shpërthimit të kapsollave.
