Edicioni informativ i orës 14:00, në “Tirana Today”. Në të do të gjeni zhvillimet e ditës nga vendi, rajoni e bota.
Skandali i PD në Bruksel
Kryeministri Edi Rama ka reaguar për incidentin që shkaktoi dje opozita në Parlamentin Europian, duke kërkuar largimin e Ballës nga mbledhja. Në një shënin në Twitter, Rama tregon se çfarë i ka thënë një mik i Shqipërisë në Parlamentin Europian, për këtë incident.
Korrupsioni në Hipotekën e Shkodrës/ Ish-drejtori: Më lironi, kam gruan shtatzënë
Ish-drejtori i Hipotekës në Shkodër, Zamir Leka, i cili akuzohet për korrupsion, do të vazhdojë të qëndrojë në burg. Gjykata e Apelit në Shkodër ka lënë në fuqi masën e sigurisë “arrest me burg” për Lekën. Ish-drejtori i Hipotekës, Zamir Leka, ka kërkuar lirimin e tij, për shkak të rrethanave familjare.
Tragjedia e Butrintit me 5 të vdekur/ Kapet trafikanti i shumëkërkuar
Policia e Fierit ka ndaluar një prej organizatorëve të tragjedisë së Butrintit. Në pranga ka rënë shtetasi Albert Gega, i dënuar me 10 vite burg për veprën penale “Ndihma për kalimin e paligjshëm të kufijve”.
