Edicioni informativ i orës 14:00, në “Tirana Today”.
‘Furtunë’ në PS
Kryesia e Partisë Socialiste ka shkarkuar 11 drejtues në rrethe. Vendimi është marrë në mbledhjen e sotme të kryesisë së drejtuar nga kryetari Edi Rama. Deputetja socialiste Elisa Spiropali, në një deklaratë për mediat, tha se vendimi erdhi pas analizës së punës në rang vendi.
Ligji për lojërat e fatit/ Ahmetaj: 31 dhjetori afati i fundit
Komisioni i Ekonomisë dhe Financave ka miratuar projektligjin për mbylljen e lojërave të fatit, duke e kaluar në Kuvend për seancën e së enjtes. Ministri Arben Ahmetaj tha se personat që mbeten pa punë nga mbyllja e basteve, do punësohen përmes zgjerimit të ekonomisë.
Braçe flet për kërcënimet
Gjatë diskutimit të lojërave të fatit, Kreu i Komisionit të Ekonomisë dhe Financave, i është rikthyer dhe një herë kërcënimeve. Sipas tij, ai dhe kolegët e tjerë në Komisionin e Ekonomisë, janë kërcënuar, por sërish nuk janë tërhequr nga nisma e tyre.
Vrasja në Bllok/ Lirohet pronari i lokalit, Redi Popesku
Gjykata e Tiranës ka liruar pronarin e lokalit Redi Popesku, ku ndodhi vrasja në ish Bllok, në datën 4 tetor. Ndaj tij është caktuar masa ‘arrest shtëpie’. Redi Popesku u arrestua, pasi dyshohej se po pengonte autoritetet për të hedhur dritë mbi ngjarjen në lokalin e tij.
