Kryeministri Rama ka marrë pjesë në Panairin e Arsimit Profesional, ku ka folur për rëndësinë e tij.
Gjithashtu, Rama “thumboi” BE-në, e cila i quan refugjatë shqiptarët që punojnë jashtë.
Kryeministri Rama tha se ata nuk janë refugjatë, ata janë emigrantë që në fakt nuk kanë akses për të punuar.
Gjithashtu, Rama foli për Vettingun, duke përsëritur se është i vendosur për zhbllokimin e tij.
“Bashkimi Europian i quan refugjatë shqiptarët që punojnë jashtë pa letra pune.
Nuk janë refugjatë ata, ata kërkojnë punë, ajo që i bën refugjatë është se nuk kanë akses për të punuar. Gjermania dhe tjerat e kanë bërë shumë të qartë se shkuarja ilegalisht në Gjermani është e papranueshme, ndërsa shkuarja me cerfikiatën e akredituar të zanatit është e mirëpritur.
Dua ta mbyll me Vettinggun. Ne mund të bëjmë arsim profesional, por ne nuk mund të rrisim volumin e investimeve të huaja në Shqipëri. Investitorët e huaj kanë 1001 arsye për të investuar në Shqipëri, por kanë 1 arsye për ta pasur frikë Shqipërinë. Pasi atyre u del përpara një Gjon, një Hysen, një Tom dhe u thotë ‘Stop’.
Vettingu do zhbllokohet dhe jemi të vendosur.”
Gjithashtu, Rama tregoi problemin që ka me rrobaqepësit për shkak të përmasave të tij:
“Unë do thoja se vendit tonë i mungojnë edhe rrobaqepës, duke e patur edhe problem timin për shkak të përmasave që më janë përcaktuar nga ime më dhe im atë”, tha Rama.
