Kryeministri Edi Rama ka marrë pjesë sot në mitingun e qytetit të Beratit duke folur me të rinjtë që votojnë për herët të parë më 18 qershor.
Sipas tij, vota e 18 qershorit do jetë vota për të pushuar nga puna gjyqtarët dhe prokurorët e korruptuar.
Në fjalën e tij Rama tha përse është e rëndësishme të votohet Partia Socialiste.
Rama u shpreh gjithashtu se nëse duhet të çojmë Shqipërinë drejt Evropës, duhet të votohet Partia Socialiste dhe jo Partia Demokratike e cila po shkatërron Shqipërinë.
Kreu i PS-së ka premtuar punësimin e të rinjve në një shkallë që asnjëherë më parë nuk është parë.
Edhe në këtë takim me të rinj që i drejtohen për herë të parë kutive të votimit, Kryeministri nuk ka lënë pa shigjetuar opozitën.
Ai u ndal tek reforma në drejtësi duke akuzuar të djathtën se është kthyer në armikun numër 1 të kësaj reforme.
Por edhe te bojkotit që PD po i bën zgjedhjeve, që sipas tij, ata që kishin sloganin e “E duam Shqipërinë si gjithë Evropa” e kanë braktisur këtë ëndërr dukë u futur në çadrën e plasmanit.
