Teksa në protestën e kaluar, kritikët e Bashës e braktisën atë, duket se sot ata kanë vendosur t’u përgjigjen pozitivisht thirrjes së kreut të PD-së për t’u ngritur ndaj kësaj qeverisjeje.
Ish-deputeti i PD-së, Astrit Patozi, njëkohësisht një nga kritikët më të mëdhenj të Bashës, ka folur lidhur me pjesëmarrjen e tij në protestë.
Ai tha për News 24 se prania e tij në protestë, nuk ka lidhje me Bashën dhe shtoi se sot të gjithë shqiptarët kanë arsye të protestojnë, pavarësisht bindjeve politike.
“Prania ime këtu s’ka lidhje me Bashën. Unë jam njëri nga mijëra protestues që kam ardhur këtu për të protestuar kundër qeverisjes Rama, mendoj se ka 1000 arsye që shqiptarët të protestojnë.
Nuk mjafton që kjo të jetë vetëm protestë e partive politike. Në këtë protestë do të doja të kishte edhe socialistë, edhe qytetarë të revoltuar”, tha Patozi.
