Zinedine Zidane i ka befasuar të gjithë me fjalët që ka thënë në një video së fundmi. Ai u ka dërguar një mesazh tifozëve të Juventusit ku thotë: “Unë shpresoj që një ditë të vij në Torino dhe të shpenzoj pak kohë me ju”.
Zidane ka luajtur për pesë sezone radhazi me Juventusin dhe që pas dorëheqjes nga Real Madrid është përfolur për një rikthim në “Allianz Stadium” si drejtor sportiv. Francezi momentalisht është pa ekip, teksa ka marrë pak kohë për të dërguar një mesazh me anë të një video te tifozët e “Zonjës së Vjetër”.
“Jam këtu me Cristianon nga Madrid-i dhe dua t’ju përshëndes të gjithëve. Shpresoj të vij në Torino së shpejti të shpenzoj pak kohë me ju. Forza Juve!”.
Francezi ende jeton në Madrid, pasi ka kaluar tetë vjet në kryeqytetin spanjoll me role të ndryshme në Real Madrid, nga këshilltari i posaçëm për Jose Mourinho, trajner i ekipit të Castijas, trajnerit të ekipit të parë dhe tre tituj të njëpasnjëshëm të Champions League.
