Një 25-vjeçar tenton të hidhet nga çatia e shtëpisë, pasi kjo e fundit rrezikon të shembet. Ngjarja është regjistruar tek Liqeni i Thatë, ku shtetasi Klajdi Peti kërcënon se do të ndërmarrë këtë akt të rëndë nëse i prishet shtëpia.
Familja Peti deklaroi për ‘Neës24’ se banesën e kanë ndërtuar në vitin 1995 mbi truallin e tyre.
“Duan të më marrin truallin që kushton 430 mijë euro, për të na gënjyer me lëmoshë”, tha i vëllai i 25-vjeçarit që po kërcënon se do të hidhet nga çatia e shtëpisë.
Ndërkohë në 2005-ën kanë aplikuar për të legalizuar banesën, por në 5 janar 2018 iu vjen shkresa se përjashtohen nga legalizimi, pasi zona ku është banesa është zone e mbrojtur. Në datën 25 familjarët pohuan se strukturat përkatëse kishin shkuar t’i prishin banesën. Duke marrë shkas nga kjo situatë familja Peti ka hedhur në gjyq çështjen, ndërsa dje u mbajt seanca e parë në Gjykatën Administrative.
Forcat e policisë janë në vendngjarje, por nuk po tentojnë të negociojnë me të riun. Klajdi Peti, po ashtu ka mjete të fortë me vete, duke kërcënuar se do vetëlëndohet në rast se nuk zgjidhet ky problem.
“E vetmja zgjidhje për mua është vetëvrasja”, tha Klajdi në një lidhje telefonike me News 24.
