Funerali i një gruaje në Peru u ndërpre kur vetë gruaja filloi të godiste kapakun e arkivolit, për të thënë se ishte ende gjallë. Të afërmit e habitur që mbanin arkivolin e Rosa Isabel Cespede Callaca, 36 vjeç, e hapën atë dhe e gjetën me sy hapur duke i parë. Rosa u dërgua me gjithë arkivol në spital. Mjekët konfirmuan se ajo kishte shenja jetike, edhe pse shumë të ulëta.
Por gjendja e Rosës më pas u përkeqësua me shpejtësi, dhe ajo ndërroi jetë disa orë më vonë. Kujdestari i varrezave, Juan Segundo Cajo tha: “Ajo hapi sytë dhe ishte duke djersitur. Shkova menjëherë në zyrën time dhe thirra policinë”.
Rosa Isabel Cespede Callaca u dërgua me urgjencë në spital nga funerali i saj pasi u zgjua brenda arkivolit. Rosa ishte përfshirë në një aksident të rëndë me makinë, në një rrugë në rajonin Chiclayo-Picsi, që i mori jetën kunatit të saj dhe plagosi rëndë nipërit e saj.
Një video e marrë pak pas zbulimit befasues, tregon një ekip policie duke e çuar arkivolin përmes një turme drejt një kamioni. Videoja më pas tregon një ekip mjekësh që qëndrojnë mbi arkivolin e hapur me Rosa-n e pavetëdijshme.
Pasi ishte shpallur e vdekur pas aksidentit, të afërmit e saj kishin organizuar një funeral për të më 26 prill në qytetin e Lambayque.
Policia tha se po heton akuzat e neglizhencës nga ana e spitalit për dërgimin e Rosa-s në morg, pa kontrolluar më parë nëse ajo kishte vdekur vërtet.
Burimi i lajmit: massesmedia. Përshtatur nga Tirana Today
