Një 65-vjeçar shqiptar është gjetur i pajetë në një përrua, në Itali. Siç raportohet familja e Gjon Toma ishte shqetësuar pasi ai nuk ishte kthyer në shtëpi dhe kanë njoftuar policinë. Gjithashtu Toma ishte larguar nga shtëpia e tij rreth orës 08:30, mëngjesin e së dielës. 65-vjeçarit i pëlqente të ecte në ato anë dhe nuk ishte hera e parë që ai shkonte aty, ndërsa aty pranë kishte edhe një kopsht perimesh për të cilin kujdesej.
Për të shpejtuar kërkimin ai kishte publikuar një njoftim në rrjetet sociale, ku jepej informacion për rrobat që kishte veshur burri kur kishte dal nga shtëpia tuta blu të errëta, bluzë pambuku gri, këpucë blu të hapura dhe një çantë e kuqe. Zbulimi i trupit të tij të pajetë është bërë nga forcat zjarrfikëse, ndërsa nuk dukej se kishte shenja dhune. Megjithatë pritet autopsia për të zbardhur shkakun e vdekjes.
