Menjëherë pas ngjarjes, ku trajneri i Vllaznisë u sulmua me thikë, nga një person i panjohur, numri 1 i pankinës shkodrane, është shoqëruar në polici për të dhënë dëshminë e tij. Ja deklarata e Ernes Gjokës, në lidhje me ngjarjen e shëmtuar, të ndodhur ditën e sotme:
“Nuk e di kush e ka bërë sulmin ndaj meje. Nuk kam me askënd probleme. Nuk e kam idenë. Nuk njoh aq shume ne Shkodër. Unë merrem veç me stërvitjet dhe ndeshjet. Agresori erdhi nga mbrapa kur isha tek makina në fund të stërvitjes.
Pranë meje ishte Gilman Lika qe me ndihmoi bashke me qytetare që qëlluan në vendin e ngjarjes. Nuk e prisja te ndodhte. Më sulmuan pasi kishte mbaruar stërvitja. Nuk e kuptoj pse ka ndodhur sepse s’kam probleme me askënd“, deklaroi Gjoka në policinë e Shkodrës.
