Një e mitur ende pa bërë 14 vjeç është detyruar që të kryejë marrëdhenie seksuale disa herë radhazi nga një grup bashkëmoshatarësh, pasi shantazhohej me një video intime që kishte me të dashurin e saj. Në pranga kanë rënë 7 prej tyre, ndërsa një i tetë, një 15-vjeçar është shpallur në kërkim.
Marrëdhënie seksuale në grup/Adoleshentët: Shkonim e merrnim në shtëpi
Që në orët e para të ditës, të miturit e akuzuar kanë dalë para Gjykatës së Durrësit për të verifikuar masën e sigurisë, pasi më herët kjo Gjykatë kishte lëshuar urdhrat e arrestit në ngarkim të tyre.
Përdhunuan minorenen/7 adoleshentët para Gjykatës, një prej familjarëve humb ndjenjat
Pranojnë se kanë abuzuar
7 adoleshentët kanë pranuar para trupit gjykues se kanë abuzuar disa herë me adoleshenten. Prokuroria ka kërkuar për ta masën e sigurisë “arrest me burg”.
Zanafilla e ngjarjes
E mitura ka rrëfyer në polici se në periudha të ndryshme kohore që prej nëntorit të vitit të kaluar, në disa raste ka kryer marrëdhënie seksuale me 8 nxënës të shkollës së saj. Nga marrja në pyetje e personave te përfshirë në këtë ngjarje të rëndë, mësohet se kanë qenë të paktën 3 episode në kohë dhe vende të ndryshme, kur e mitura nën presionin e shantazhit, ka pranuar që të kryej marrëdhënie me shokët e shkollës. Të gjithë personazhet e kësaj ngjarje të paprecedentë mësohet se janë nxënës në shkollën 9-vjeçare “Rilindja” në Kavajë.
