Teksa gjykata vendosi të lërë në burg shtatë adoleshentë që abuzuan seksualisht me një 13-vjeçare të shkollës “Rilindja” të Kavajës, të tjera detaje tronditëse janë bërë publike sot.
Zanafilla e ngjarjes
Mësohet se shtatë djemtë e arrestuar i kanë bërë presion të miturës me publikimin e një videoje intime, në këmbim të marrëdhënieve seksuale. E mitura ka qenë në një marrëdhënie intime me njërin prej djemve, ndërsa shtatë të tjerët, miq të të dashurit të saj e kanë shantazhuar vajzën me një video intime. Ata e kanë kërcënuar se do ia publikonin në rrjetet sociale, dhe nën presion kryenin marrëdhënie seksuale me të.
Kërcënimet prej muajit nëntor
Me anë të shantazhit, që prej nëntorit deri në janar vajza ka kryer marrëdhënie seksuale me 8 adoleshentët në ditë të ndryshme. Kanë qenë prindërit e vajzës që kanë zbuluar skandalin, dhe kanë njoftuar policinë.
