Janë të shpeshta rastet kur burrat dhunojnë gratë dhe këto të fundit kërkojnë urdhër mbrojtje. Por lajmi i dhunimit të burrave rrallë dëgjohet në median shqiptare. Pikërisht dje “Ditën e Verës”, një qytetar nga Durrësi është marrë në mbrojtje nga gjykata, pasi ndaj tij prej kohësh ushtrohej dhunë fizike dhe psikologjike nga ish bashkëshortja. Ka qenë vetë shtetasi me iniciale A.I që ka denoncuar në polici ish bashkëshorten E.B për ushtrim dhune, çka dhe ka sjellë lëshimin e një urdhër mbrojtje ndaj tij.
“Më datë 14.03.2018, u plotësua kërkesë-padia për lëshimin e urdhrit të mbrojtjes së menjëhershme, për shtetasin A.I pasi ish bashkëshortja E.B, ka ushtruar dhunë fizike e psikologjike ndaj tij. Materialet i kaluan Gjykatës së Rrethit Gjyqësor Durrës. Ligji nr. 9669, datë 18.12.2006, ”Për masat ndaj dhunës në marrëdhëniet familjare”, thuhet në njoftimin zyrtar të policisë.
