Të dhëna shokuese janë raporuar në lidhje me përdhunimin e një të mitureje në një shkollë të Kavajës. Përdhunuesit nuk kanë qenë 8, por 16 persona. Mësohet se 14 nga ta janë nxënës të shkollës “Rilindja”, ndërsa 2 të tjerë janë gjimnazistë. Rasti në fjalë u denoncua një ditë më parë nga ish-kryeministri Berisha, në profilin e tij në Facebook.
Në denoncimin e ish-kryeministrit Berisha thuhej se 13-vjeçarja ishte përdhunuar nga 8 djem të shkollës 9-vjeçare “Rilindja” në Kavajë, dhe se kjo ngjarje ishte fshehur nga autoritetet përkatëse. Ky rast shkonte edhe më tej, ku drejtoresha e Zyrës Arsimore të Kavajës nuk kishte marrë asnjë masë, ndonëse kishin kaluar 2 muaj.
Pak orë pas publikimit të lajmit, disa nxënës të kësaj shkolle kanë raportuar për JOQ se përdhunuesit nuk kanë qenë 8, por 16 persona.
Vajza e mitur nuk e kishte denoncuar ngjarjen, pasi djemtë e kërcënonin me publikimin e një videoje intime mes saj dhe të dashurit në rrjetet sociale, apo dërgimin e saj në adresë të prindërve.
