Një ngjarje e rëndë ka ndodhur në Kukës, ku një grua shtatzënë ka lindur fëmijën të vdekur e më pas ka ndërruar jetë. Ngjarja ka ndodhur pak pas mesnate, ndërsa mësohet se viktima është një 40-vjeçare, e identifikuar si shtetasja Nurije Poçi.
Policia e Kukësit tha për BalkanWeb se vdekja ka ardhur për shkaqe natyrale, ndërsa familjarët kanë dyshime për ngjarjen dhe po presin kryerjen e ekspertizës mjeko-ligjore.
Sipas policisë, gruaja sillte në jetë fëmijën e saj të shtatë, një foshnjë e seksit mashkull që ka lindur i vdekur, ndërsa familjarët kërkojnë hetime të mëtejshme për rastin.
Sipas tyre, nëna nga Kukësi ka lënë jetim 6 fëmijë të tjerë.
