Modelja britanike Stephanie Dubois, ndërroi jetë disa ditë pasi mori vaksinën Oxford-AstraZeneca në Qipro. 39-vjeçarja, pësoi mpiksje gjaku, gjë që rezultoi fatale për të. Ajo u vaksinua më 6 maj, dhe prej asaj dite patiu deklaruar se nuk ndihej mirë.
Pak ditë më parë, gjendja e saj shëndetësore ishte përkeqësuar dhe modelja ishte shtruar në spital nga mpiksje të shumta të gjakut, ku më pas kishte pësuar dhe hemorragjinë fatale.
Lidhja e mundshme midis mpiksjes së gjakut dhe vdekjes Dubois ende nuk është konfirmuar dhe se rasti i saj do të hetohet nga Agjencia Evropiane e Barnave (EMA), tha Charalambos Charilaou, një zëdhënës i shërbimit shëndetësor qipriot.
Në Qipro janë shënuar tre raste të tjera te gratë e moshës rreth 40 vjeç, me mpiksje gjaku pas vaksinimit. Epidemiologia greke, Katerina Linu, dhe kolege të tjera kanë kërkuar shpesh të rritet grupmosha e vaksinimit me AstraZeneca, duke paralajmëruar se do të ketë raste të reja me pasoja të tilla.
