Një i ri nga Rrësheni është hakmarrë ndaj një vajze, pasi kjo e fundit nuk ka pranuar të lidhet me të. Ngjarja ka ndodhur dje në rrugën e Elbasanit, në Tiranë, ku D.L 23 vjeç, banues në Rrëshen ka goditur me grusht shtetasen L.GJ 23 vjeç, banuese në Tiranë.
Nga dëshmia e dhënë në polici, sherri fizik mes të rinjve ka ardhur për shkak se vajza nuk ka pranuar të lidhet me djalin. E reja ka treguar gjithashtu se djali e përndiqte prej kohësh, deri në veprimin e rëndë të ndodhur në kryeqytet.
Policia është vënë në kërkim të 23-vjeçarit nga Rrësheni dhe ka nisur hetimet për ngjarjen.
