Një fëmijë po lufton me jetën, pasi është përplasur nga një mjet në rrugën e fshatit “Kotodesh”, Prrenjas. Ngjarja është shënuar mbrëmjen e djeshme, e ndërsa bluzat e bardha thonë se 4-vjeçari ndodhet në gjëndje të rëndë shëndetësore. Sakaq, drejtuesi i mjetit, një 26-vjeçar me inicialet F.K., është shoqëruar në komisariatin e policisë. Paraprakisht dyshohet se fëmija i ka ndërprerë rrugën mjetit.
“Shtetasi F.K., 26-vjeç, banues në fshatin “Katjel”, Prrenjas, duke drejtuar automjetin tip “Ford” me targa AA 470JJ, ka aksidentuar fëmijën A. S., 4-vjeç, banues në fshatin “Kotodesh”, Prrenjas.
Fëmija është trasportuar për në Spitalin Rajonal Elbasan, pasi është në gjendje të rëndë shëndetësore. Drejtuesi i mjetit është shoqëruar në komisariatin e policisë, për veprime të mëtejshme procedurale.
Grupi hetimor ndodhet në vendngjarje, dhe po punon për zbardhjen e plotë të shkakut të aksidentit, ku paraprakisht dyshohet se “fëmija i ka ndërprerë rrugën, ku ka kaluar nga njëri krah i rrugës në tjetrin, dhe për pasojë është përplasur nga automjeti”.
